बेनिशाको ‘मिसिङ्ग ब्राइड’मा वर्षा राउत

नायिका बेनिशा हमालले सर्ट मुभी निर्देशन गरेकी छिन् । उनले निर्देशन गरेको सर्ट मुभी ‘मिसिङ्ग ब्राइड’को फस्टलुक आज सार्वजनिक गरिएको छ । बेनिशाको यो छोटो फिल्ममा नायिका वर्षा राउत मुख्य भूमिकामा छिन् ।

यो फिल्ममा वर्षाको साथमा विवेक सिंह ठकुरी पनि मुख्य भूमिकामा छन् । फिल्मको कथा समेत बेनिशाले नै लेखेकी हुन् । उनले, फिल्मको कथा भने अहिले खुलाउन नमिल्ने बताइन् । केदार भुषाल कार्यकारी निर्माता रहेको फिल्ममा राम श्रेष्ठको छायांकन, प्रविन श्रेष्ठको सम्पादन छ ।

नेपाली फिल्म क्षेत्रमा नायिकाको रुपमा अगाडि बढिरहेकी बेनिशाले मुम्बई पुगेर फिल्म मेकिङको कोर्स समेत पढेर आएकी थिइन् । यसैले, उनले फिल्म निर्देशन गर्ने सुर पनि कसेकी छिन् । जसअनुसार, उनले यो सर्ट मुभी बनाएकी हुन् ।