नीशा ‘आँखा’ तिर लाग्दा ‘म’मा नायिकाको खडेरी

बिहिबार आयोजना भएको फिल्म ‘म’को ट्रेलर रिलिज कार्यक्रममा मुख्य नायिकाहरु नै अनुपस्थित रहे । फिल्मको ट्रेलर रिलिज कार्यक्रममा मुख्य नायिका नीशा अधिकारी र रुविना थापा नै आएनन् । दुबै जना कार्यक्रममा उपस्थित नहुँदा कलाकारहरु सरोज खनाल, निराजन प्रधान, सविन श्रेष्ठ लगायतले मिडियाको प्रश्नको जवाफ दिएका थिए । कार्यक्रममा निशा र रुविनाको खोजी नभएको पनि होइन ।

तर, फिल्मको ट्रेलर रिलिज कार्यक्रममा उपस्थित नभएकी नीशा नयाँ फिल्म ‘आँखा’को छायांकनमा व्यस्त देखिइन् । नीशाले नयाँ फिल्मको फोटो सामाजिक संजालमा पोष्ट गरेकी छिन् । तर, उनै नीशाले आफ्नो सामाजिक संजालमा फिल्मको ट्रेलर शेयर समेत गरेकी छैनन् ।

यसले, कतै फिल्मको निर्माणपक्ष र नीशाविच सम्बन्धमा दरार आएको त होइन भन्ने देखाउँछ । नयाँ फिल्म ‘आँखा’का लागि उत्साहित देखिएकी नीशाले किन अहिलेसम्म ‘म’को ट्रेलर सामाजिक संजालमा शेयर गर्न पनि आवश्यक नठानेकी होलिन् । यो उनले नै जान्ने कुरा भयो ।