‘पुष्पा २’मा काम गर्ने कुरामा सत्यता नरहेको मनोज वाजपेयीको स्पष्टिकरण

फिल्म ‘पुष्पा’ले बक्स अफिसमा तहल्का मच्चाएपछि यसको मेकरले ‘पुष्पा २’ निर्माण गरिरहेको छ । फिल्मलाई अझै उच्च बनाउनका लागि यसपटक मेकिङमा कुनै संझौता नगर्ने तयारी मेकरको छ । यसैविच, फिल्ममा कलाकार मनोज वाजपेयीलाई प्रहरी अफिसर्सको भूमिकाका लागि अफर गरिएको खबर सार्वजनिक भएको थियो ।

तर, मनोजले यो कुरामा कुनै सत्यता नभएको स्पष्टिकरण दिएका छन् । भारतीय मिडियासँग कुरा गर्दै मनोजले भनेका छन्–‘तपाइहरुलाई यस्तो खबर कहाँबाट मिल्छ ? यो हल्लामा कुनै सत्यता छैन ।’

मनोजले केही दिन अगाडि दिएको अन्तरवार्तामा कथा राम्रो भएको खण्डमा आफूलाई कुनै पनि भाषाको फिल्ममा काम गर्न गाह्रो नहुने बताएका थिए । उनले, आफू १ हजार, ५ सय र ३ सय करोड क्लबको पक्षमा नरहेको पनि स्पष्ट पारेका थिए । साथै, उनले आफू सधै नै बक्स अफिस कलेक्शनको विरुद्धमा रहेको प्रष्ट पारेका थिए ।