नम्रतालाई ‘खलनायिका’ बन्ने चाहना

एउटा कुरा पक्का के हो भने, नायिका नम्रता सापकोटा नायिकाको रुपमा चलिनन् । उनले अभिनय गरेका केही फिल्म चलेपनि उनी चलिनन् । यसैले, उनको ध्यान हिजोआज म्यूजिक भिडियोमा नै बढी देखिएको छ ।

नायिकाको रुपमा नचलेकी नम्रतालाई अब फिल्ममा ‘खलनायिका’ बनेर काम गर्न मन छ । यो इच्छा नम्रताले आज आयोजना भएको ‘काली’ बोलको म्यूजिक भिडियो रिलिज कार्यक्रममा गरेकी छिन् ।

नम्रताले आफूलाई फिल्ममा खलनायिकाको रुपमा देखिन मन लागेको बताएकी छिन् । फिल्ममा आफूले सधै केही फरक गर्न चाहने भन्दै उनले अब खलनायिकाको रुपमा अफर आएको खण्डमा स्विकार गर्न तर्क गरिन् ।

हुनत, आफूले अभिनय गरेका अधिकांश फिल्ममा कहि न कहिल त्यो झलक आउने उनको भनाई छ । ‘छक्का पन्जा, ब्रासलेट, समर लभ’ लगायतका फिल्ममा त्यो झलक आएको र अब पुरै फिल्ममा खलपात्रको रुपमा देखिन मन लागेको उनको भनाई थियो ।