‘सम्राट पृथ्वीराज’ फ्लप भएपनि जोनसँग फिल्म खेल्दै मानुषी

पूर्व विश्व सुन्दरी मानुषी छिल्लरको डेब्यू चलचित्र ‘सम्राट पृथ्वीराज’ बक्स अफिसमा नराम्रोसँग पिटियो । चलचित्रले दर्शकको मन जित्न नसकेपनि यसले मानुषीलाई केही फरक परेको छैन । किनकी, मानुषीको सुन्दरता र उनको अभिनयको भने हजारौं फ्यान बनेका छन् ।

उनै, मानुषीले अब बलिउड नायक जोन अब्राहिमसँग नयाँ चलचित्रमा काम गर्ने पक्का भएको छ । अरुण गोपालानको निर्देशनमा बन्न लागेको एक्सन जनराको चलचित्र ‘तेहरान’मा मानुषीले जोनसँग पर्दा शेयर गर्नेछिन् । एक्सन थ्रिलर जनराको यो चलचित्रको छायांकन पनि सुरु भएको छ । चलचित्रको फस्टलुकमा मानुषीको हेयरस्टाइल फरक छ । उनी हातमा बन्दुक बोकेर जोनसँगै देखिएकी छिन् ।

दिनेश भिजानको निर्माणमा तयार हुने यो चलचित्रले मानुषीको करिअरलाई कती फाइदा गर्छ, हेर्न बाँकी छ ।

बलिउडमा विश्व सुन्दरीहरुको करिअर सुखद मानिन्छ । प्रियंका चोपडा, ऐश्वर्या राय, लारा दत्तको क्रेज बलिउडमा राम्रो बनेको थियो । मानुषी पनि सोही दौडमा छिन् ।