आमेशले एउटाका कारण टिकटक बनाए, अर्काका कारण भाइरल भए

फिल्म ‘फूलै फूलको मौसम तिमीलाई’मा अभिनय गरेका नायक आमेष भण्डारीसँग हिजोआज फिल्म छैन । म्युजिक भिडियोमा फाट्टफुट्ट काम गरिरहेका छन् उनी । उनै, आमेष नायिका नीता ढुंगानाले ज्योतिष हरिहर अधिकारीसँग बिहे गरेपछि भाइरल भए । नीताको बिहेको भिडियोसँग जोडेर आमेषका कैयौ टिकटकहरुलाई गलत अर्थ लगाइयो ।

आमेषले प्रेम र विछोडका बारेमा बोलेका कैयौं भिडियोहरुलाई टिकटकमा गलत रुपमा व्याख्या गरियो । नीताले हरिहरसँग बिहे गर्दा आमेषलाई भाइरल गराउँदा त्यसले पार्ने पारिवारिक प्रभावको बारेमा कसैले पनि वुझेनन् । यसैले, बेलाबखत नेपालमा टिकटक रोक्नुपर्ने आवाज उठ्ने गरेको छ ।

आमेषले प्रेममा बिछोडपछि बनाएका कैयौं भिडियोहरु नीताका लागि थिएनन् । श्रोतका अनुसार, आमेषको केही समय अगाडि मात्र ब्रेकअप भएको थियो । उनले, आफ्नी पूर्व प्रेमिकाका लागि कैयौं टिकटकहरु बनाएका थिए ।

तर, ती टिकटकहरु नीताका लागि बनाइएको भनेर धेरैले वुझे । जसकाकारण, आमेष भाइरल त भए । तर, त्यसले नीता र हरिहरको परिवारलाई पार्ने असरबारे कोहीले पनि वुझेनन् ।