के ‘पोई पर्यो बुढो’को शिर्ष भूमिकामा देखिदैछन् हरिवंश ?

नेपालमा फिल्म बनाएपछि त्यही नाममा सिरिज वा सिक्वेल बनाउने क्रम ह्वात्तै बढेको छ । दर्शकले पनि यस्तै फिल्मलाई बढी साथ दिएकाले पनि निर्माताहरुले नयाँ नाममा फिल्म बनाउन जोखिम संझिरहेका छन् । शिशिर राणाको निर्देशनमा तयार भएको फिल्म ‘पोई पर्यो काले’को सिरिजको रुपमा ‘पोई पर्यो बुढो’ बन्ने पक्का भएको छ । यो फिल्म चलचित्र विकास बोर्डमा समेत निर्माता किरण नेपालीले दर्ता गरिसकेका छन् ।

फिल्म दर्ता भएको चर्चासँगै फिल्ममा को–को कलाकार रहने भन्ने चर्चा समेत छ । फिल्ममा नायक सौगात मल्लले काम गर्ने पक्का भएको खबर समेत बाहिरिएको थियो ।

तर, यो फिल्मको शिर्ष भूमिकामा चर्चित हाँस्य कलाकार हरिवंश आचार्य देखिन लागेको मेरो फिल्मलाई श्रोतले बताएको छ । वुझिएअनुसार, हरिवंशले नै यो फिल्मको कथा लेखिरहेका छन् ।

फिल्ममा अन्य कलाकार को–को हुने पक्का भएको छैन । तर, निर्माणपक्षले फिल्ममा कलाकारको बिषयमा केही पनि बताएको छैन ।