फ्राइडे रिलिजः पूजाको ‘संझना विर्सना’ र केकीको ‘सिल्ली फोर’को भिडन्त

आजबाट देशभरका हलमा २ नयाँ नेपाली फिल्म रिलिज भएका छन् । आजबाट लभ स्टोरी कथामा तयार भएको फिल्म ‘संझना विर्सना’ रिलिज भएको छ । निमेष प्रधानको निर्देशनमा तयार भएको फिल्म ‘संझना विर्सना’मा नायिका पूजा शर्मा, नायक आकाश श्रेष्ठ र कलाकार छुल्ठिम गुरुङको मुख्य भूमिका छ । यो फिल्मले दार्जिलिङको चिया बगानको कथालाई उठान गरेको छ ।

यस्तै, आजैबाट राजबहादुर सानेको निर्देशनमा तयार भएको फिल्म ‘सिल्ली फोर’ पनि रिलिज भएको छ । यो फिल्ममा केकी अधिकारी, रविन्द्र झा, धिरेन शाक्य लगायतका कलाकारको अभिनय छ ।

४ जना सिल्ली केटाहरुको कथामा यो फिल्म बनेको छ । दुबै फिल्मको प्रचार औषत भएकाले ओपनिङ पनि यी दुबै फिल्मले बम्पर गर्ने संभावना कम छ ।

मल्टिप्लेक्समा ‘सिल्ली फोर’को तुलानामा ‘संझना विर्सना’ले बढी शोज पाएको छ ।