‘कृष्ण–लीला’ को ट्रेलर कृष्ण र लिलाको प्रेमकथा

आगामी भदौ ३ गते बाट प्रदर्शनमा आउने तयारीमा रहेको फिल्म ‘कृष्ण–लीला’ को ट्रेलर सार्वजनीक गरिएको छ ।

अभिनेता पुष्प खड्का र अभिनेत्री श्रद्धा क्षेत्रीलाई केन्द्रमा राखिएको ट्रेलरमा उनीहरुको प्रेम छल्किएको छ । एउटा सपना बोकेर हिँडेकी युवती सुस्त मनस्थिति भएको युवकसँग प्रेममा डुबेपछि आउने उतार-चढावलाई फिल्मले प्रस्तुत गरेको छ ।

फिल्मको सम्पूर्ण छायांकन पूर्वी नेपालको इलाम, झापा र पाँचथरका बिभिन्न रमणीय स्थानमा गरिएको हो ।

कृष्ण अस्टमिको छेको पारेर प्रदर्शन गर्न लागीएको यो फिल्मको प्रस्तुतकर्ता रोहित कट्टेल हुन् भने कार्यकारी निर्माता रत्न श्रेष्ठ हुन् । लभस्टोरी कथामा तयार भएको फिल्ममा लक्ष्मण सुवेदीको लेखन, शिब ढकाल र बाबु श्रेष्ठको छायांकन, श्री श्रेष्ठको एक्सन द्धन्द्ध निर्देशन छ भने माइकल चन्द र रामजी लामिछानेको कोरियोग्राफी रहेको छ ।

प्रकाश कार्की र केबल तामाङको लगानी रहेको फिल्मको सह-निर्मातामा पिताम्बर आचार्य र रोजन श्रेष्ठ छन् । यो फिल्ममा पुष्प र श्रद्धाका साथमा बुद्दि तामाङ, रबिन्द्र झा, नवीन रेग्मी, हिउँवाला गौतम, भावना गुरुङ, आयुष गुराँगाई, आयुषा क्षेत्री, पिताम्बर आचार्यलगायतका कलाकारको अभिनय छ । अर्जुन जिसीको सम्पादन रहेको यो फिल्मलाई आरआर फिल्मस्ले वितरण गर्नेछ ।