विदेशी प्रेमिकासँग वैवाहिक जीवनमा बाँधिए रेमनदास

केही नेपाली फिल्ममा काम गरेका संचारकर्मी रेमनदास श्रेष्ठ वैवाहिक जीवनमा बाँधिएका छन् । उनले आफ्नी प्रेमिका जेना मुड्रासँग विवाह गरेका हुन् । उनीहरुले हिन्दु परम्पराअनुसार विहे गरेका छन् । विहे समारोहमा जेना दुलहीको पहिरनमा देखिएकी छिन् । काठमाडौंको एक रेष्टुरेन्टमा भएको बिहेमा केही कलाकर्मी पनि सहभागी भएका छन् । विगत ७ बर्षदेखि यो जोडी प्रेम सम्बन्धमा थियो ।

रेमनले ‘जाइरा, द ब्रेकअप, जालो, मेघा, कर्कश, आधा लभ, भिजा गर्ल’ लगायतका फिल्ममा अभिनय गरेका छन् । रेमन हिमालय रोडिजको होस्ट भएपछि झनै चर्चामा छन् ।

पछिल्ला केही बर्षदेखि रेमनले आफूलाई फिल्मको नायक भन्दा पनि टेलिभिजनकर्मीको रुपमा बढी परिचित गरेका थिए ।