‘पोइ पर्यो काले’को सिक्वेल ‘पोइ पर्यो बुढो’ बन्ने

पछिल्लो केही सफल नेपाली फिल्महरुको सिक्वेल धमाधम बनिरहेको छ । यसरि सिक्वेल भन्दा प्रायजसो फिल्मका निर्माताहरुले राम्रै कमाइ गरिरहेका छन् । यसका केही उदाहरणमा नाइ न भन्नू ल, छक्का पन्जा, ए मेरो हजुर , प्रेमगीत, कबड्डि लगायत रहेका छन ।

यहि क्रममा फिल्म ‘पोइ पर्यो काले’को दोस्रो श्रृंखला निर्माण हुने भएको छ । सौगात मल्ल स्टारर फिल्म ‘पोइ पर्यो काले’ २०७६ कार्तिकमा प्रदर्शनमा आएको थियो। अब यसैको सिक्वेल निर्माण हुन लागेको हो। कमेडी ड्रामा रहेको उक्त फिल्मको दोस्रो श्रृंखलामा निर्माण पक्षले सिक्वेलको नाम ‘पोइ पर्यो बुढो’ राख्ने भएको छ ।

फिल्मका निर्माता किरण नेपालीले जानकारी दिए अनुसार नाम ‘पोइ पर्यो बुढो’ राखिएको र विकास बोर्डमा दर्ता गराइसकेको बताए। फिल्मको सिक्वेल निर्माणमा पक्कापक्की भए पनि कुन भूमिकामा को-को देखिने भन्ने विषयमा भने हालसम्म कुनै निर्णय नभएको बताएका छन्।

‘पोइ पर्यो काले’मा देखिएका कुन कलाकार सिक्वेलमा देखिन्छन् भन्नेमा निर्णय नभएको बताइए पनि अभिनेता सौगात मल्ल फिल्ममा देखिने पक्का पक्की जस्तै भएको छ। सिक्वेलमा मल्लसँगै पुजा शर्मा पनि दोहोरिने निर्माण पक्षले जनाएको छ।

यस्तै फिल्मलाई दीपेन्द्र लामाले निर्देशन गर्ने र दयाहाङ राई पनि देखिने सम्भावना पक्कापक्की रहेको बुझिएको छ । ‘पोइ पर्यो काले’को फिल्मले दर्शकबाट मिश्रित प्रतिक्रिया पाएको थियो । यस फिल्मको गीत र कथावस्तुका कारण फिल्मलाई दर्शकले रुचाएका थिए ।