केकीलाई हाई सन्चो

असारको ३१ गतेबाट नायिका केकी अधिकारीको मुख्य भूमिका रहेको फिल्म ‘सिल्ली फोर’ रिलिज हुँदैछ । फिल्मको ट्रेलर सार्वजनिकसम्म खुबै हल्लीखल्ली गरेको यो फिल्मको निर्माणपक्ष अहिले सुस्ताएको छ । फिल्म रिलिजको दिन नजिकिदै गर्दा दर्शकलाई यो फिल्मको बारेमा खासै जानकारी दिन निर्माणपक्ष लागेको छैन ।

फिल्ममा नायिका केकी अधिकारी मुख्य भूमिकामा छिन् । तर, निर्माणपक्षले नै फिल्मको प्रचारमा ध्यान नदिदा केकीलाई भने हाई सन्चो नै भएको छ ।

केकीले राम्रो रकम लिएर यो फिल्म साइन गरेकी थिइन् । फिल्मको काम सकिएपछि निर्माणपक्षको वेवास्ताले गर्दा केकीलाई पनि यसको प्रचारमा दौडिनुपरेको छैन । जसलेगर्दा, पारिश्रमिक लिएर केकी आनन्दले बसिरहेकी छिन् ।

राजबहादुर सानेको निर्देशनमा तयार भएको फिल्मको ट्रेलरमा देखाइएका भद्दा दृश्यले दर्शकलाई यसले आकर्षित गर्न सकेन । अब, हलमा यो फिल्म हेर्न दर्शक कती आउने हुन्, हेर्न बाँकी नै छ ।