किन बिग्रियो अर्जुन र सुगमको सम्बन्ध ?

पबन भट्टराई

नेपाली गायन क्षेत्रका चर्चित गायक हुन् सुगम पोखरेल । सुगम पोखरेल पछिल्लो केही बर्षदेखि त नेपाली फिल्मका रोमान्टिक गीतमा एक छत्र राज गरिरहेका छन् । सुगमको स्वरमा समावेश थुप्रै हिट गीतमा संगीतकार अर्जुन पोखरेलले संगीत भरेका छन् । सुगम र अर्जुनको संगीत यसरी अगाडि बढेको थियो कि, दर्शकलाई पनि यी दुइको गीत सुन्ने बानी नै परेको थियो । विशेषगरि, सुदर्शन थापाको फिल्ममा सुगम र अर्जुनले मिलेर सुपरहिट गीत दिएका थिए ।

तर, फिल्म ‘म यस्तो गीत गाउँछु २’मा समावेश ‘कसम कसम’ बोलको गीत नै सुगम र अर्जुनका लागि आजका दिनसम्म अन्तिम बनेको छ । एक अर्कासँग यति नजिक अर्जुन र सुगमविच किन एक बर्षदेखि पानी बाराबारको सम्बन्ध बनेको होला ?

अर्जुन र सुगमविचको लफडाका कारण निर्मातालाई भने अप्ठ्यारो परिरहेको छ । कारण, सुगमको स्वर अर्जुनको संगीतमा राख्न चाहने निर्माताहरुले त्यो अवसर पाएका छैनन् ।