दीपक–दीपाको लाइनअप–‘माग्ने राजा, छोडपत्र, छक्का पन्जा ४’

अझै पनि कथा फाइनल गर्न नसकेर निर्देशक हेमराज वीसी र निर्माता तथा कलाकार दीपकराज गिरीले फिल्मको छायांकन फाइनल गर्न सकेका छैनन् । फिल्मको कथा फाइनल गर्न नसकेपनि उनीहरुले एकसाथ ३ वटा फिल्मको कथा भने लेखिरहेका छन् । ‘छक्का पन्जा ४’को कथा लगभग फाइनल छ । ‘छोडपत्र’को कथा आधा भन्दा बढी लेखिएको छ ।

‘श्री माग्ने राजा’को कथा दीपक र हेमराज मिलेर लेखिरहेका छन् । यसका लागि उनीहरु केही दिनदेखि गोकर्ण रिसोर्टमा बसिरहेका छन् ।

वुझिएअनुसार, उनीहरु अब लगातार ३ वटा फिल्मको काम गर्ने तयारीमा छन् । जसअनुसार, सबैभन्दा पहिले हेमराज वीसीको निर्देशनमा फिल्म ‘श्री माग्ने राजा’को छायांकन हुनेछ । यसपछि, फिल्म ‘छोडपत्र’को निर्देशक दीपाले दशैंपछि गर्नेछिन् । अर्कोबर्ष मात्र फिल्म ‘छक्का पन्जा ४’को छायांकन हुनेछ ।

यसरीहेर्दा, अर्को बर्षको दशैंसम्म दीपकराज गिरी, केदार घिमिरे, दीपाश्री निरौलाको टिम व्यस्त हुनेछ । दीपकले एकसाथ ३ वटा फिल्मको कथा तयार पारेर काम अगाडि बढाएको यो पहिलो पटक हो ।