आकाशको ‘हिड्दा हिड्दै’को सुटिङ कहिले सकिन्छ ?

पहिलो चरणको कोरोना महामारीपछि लकडाउन खुल्यो । लकडाउन खुले लगतै फिल्म क्षेत्रमा माहोल ल्याउनुपर्छ भन्दै केही फिल्मीकर्मीले धमाधम फिल्म बनाउने घोषणा गरे । जसका, नायक आकाश श्रेष्ठको मुख्य भूमिका रहने गरि फिल्म ‘हिड्दा हिड्दै’को घोषणा पनि भयो ।

यो फिल्ममा आकाशको साथमा सलोन बस्नेत र नव–कलाकार रेखा शाह मुख्य भूमिकामा छन् । यो फिल्मपछि कैयौ फिल्मको निर्माण घोषणा भयो । ती फिल्महरु निर्माण भएर रिलिज पनि भैसके । तर, आकाशको यो फिल्मको छायांकन अझै सकिएको छैन ।

फिल्ममा समावेश एक गीतको हालै मात्र छायांकन गरिएको छ । जसमा, आकाश, रेखा र सलोनले काम गरेका छन् ।

नायक आकाश श्रेष्ठलाई यो फिल्म चलाएर देखाउनुपर्ने चुनौती छ । पूजाविना आकाश चल्दैनन् भन्नेहरुका लागि पनि यो फिल्म चलेको खण्डमा चकलेटी नायकलाई फाइदा हुनेछ । तर, २ बर्षदेखि फिल्मको छायांकन मात्र गर्ने कि रिलिज पनि गर्ने ?