फिल्म ‘झिँगेदाउ’ को ‘आगोबिना बिंडी जल्दैन’

ज्ञानेन्द्र देउजाद्वारा निर्देशित फिल्म ‘झिँगे दाउ’ को नयाँ गीत ‘आगो बिना बिडी जल्दैन’ गीतको भिडियो सार्वजनिक गरिएको छ ।

मंगलबार काठमाडौंमा पत्रकार सम्मेलनको आयोजना गर्दै अभिनेत्रीद्वय केकी अधिकारी तथा आँचल शर्मा र अभिनेताद्वय मुकुन भुसाल तथा कुशल विष्ट अभिनित उक्त गीत सार्वजनिक गरिएको हो ।

ललितपुरको शिरकाली चौरमा छायांकन गरिएको गीतमा फिल्मका मुख्य कलाकार फिचर्ड छन् । अर्जुन पोखरेलले संगीत गरेको गीतमा शान्तिश्री परियार र प्रवीण बेडवालको स्वर समावेश छ ।

अर्जुन पोखरेलद्वारा संगीतबद्ध उक्त गीतमा शान्तिश्री परियार तथा प्रवीण बेडवालको स्वर छ । मुक्त उदास यो गीतका रचनाकार हुन् ।

लोकलय सार्वजनिक गीतको भिडियोमा रामजी लामिछानेको कोरियोग्राफी छ भने, गीतमा केकीसँग मुकुन र आँचलसँग कुशलको जोडी बाँधिएको छ ।

स्वर्गीय साहित्यकार भीमनीधि तिवारीको कथा कृतिमा आधारित यो फिल्ममा प्रदीप भारद्वाजको पटकथा छ ।

कपनगढी सिनेमा र फिल्मक्रिउ नेपालको प्रस्तुति रहेको फिल्मलाई सुलभप्रतीक देउजा, समीक्षा देउजा र विष्णु कल्पितले निर्माण गरेका हुन् । फिल्मलाई विष्णु घिमिरे ‘कल्पित’ले छायांकन तथा मित्र देव गुरुङले सम्पादन गरेका हुन् ।

फिल्म आगामी भदौ १७ गते प्रदर्शन गर्ने तयारी छ ।