सलोन, कुशल र शिल्पाको ‘मिलन’ कार्तिकमा रिलिज हुने

फिल्म ‘मिलन’को प्रदर्शन कार्तिकमा हुने भएको छ । ६ महिना अगाडि नै छायांकन सकिएको यो फिल्मको डबिङ सकिएको निर्माणपक्षले बताएको छ । यो फिल्ममा कुशल शाह ठकुरी, सलोन बस्नेत, शिल्पा थापा, शिशिर वाङ्देल, जानुका पौडेल लगायतका कलाकारको अभिनय छ । फिल्ममा कुशल, सलोन र शिल्पाको त्रिकोणात्मक प्रेमकथा देख्न पाइन्छ । टेक पौरखी राइको लेखन तथा निर्देशनमा यो फिल्म बनेको हो ।

प्रेम कथामा आधारीत चलचित्र ‘मीलन’मा कुशल, सलोन र शिल्पाको त्रिकोणात्मक प्रेम कहानी देख्न पाइने चलचित्रका निर्देशक टेक पौरखी राईले जानकारी दिए । यसअघि निर्देशक राईले ‘मट्टीमाला’ र ‘माया पिरिम’ चलचित्र निर्देशन गरिसकेका छन् । चलचित्रमा लेखन पनि निर्देशक राईकै रहेको छ ।

तीनवटा गीत समावेश फिल्ममा कबिराज गहतराजको कोरियोग्राफि छ भने प्रताप दास, कौसल खड्का, कृष्ण केसी, प्रविशा अधिकारी, अस्मिता अधिकारी र बबिना किँरातीको स्वर छ । फिल्मको छायांकन काठमाडौं र कालिन्चोकमा गरिएको हो । प्रविन थापाको लगानीमा बनेको फिल्ममा राहुल राईको छायांकन, तारा थापाको सम्पादन छ ।