संझनुहुन्छ, विना बुढाथोकीलाई !

नायिका बिना बुढाथोकी आजको पुस्ताका लागि नयाँ नाम हो । तर, २ दशक अगाडिका दर्शकका लागि उनी चर्चित नायिका तथा कलाकार थिइन् । नेपाली फिल्म क्षेत्रमा थोरै मात्र फिल्म खेलेकी बिना निर्देशक रमेश बुढाथोकीकी श्रीमती हुन् ।

नायिका ऋचा घिमिरेले एक तस्वीर सामाजिक संजालमा पोष्ट गरेकी छिन् । जहाँ, ऋचाको साथमा बिना र नायिका उषा पौडेल एकसाथ देखिएका छन् ।

यी तिनै नायिका अमेरिकामा छिन् । कुनै समय नेपाी फिल्म क्षेत्रमा राम्रो क्रेज बनाएका यी नायिकालाई आजको पुस्ताले खासै चिन्दैन । सामाजिक संजालमा ऋचा सक्रिय छिन् । नेपाल आएको समयमा मिडियासँग उनी कुराकानी पनि गर्छिन् । उषाले केही भारतीय सिरियलमा काम गरेकाले पनि उनलाई दर्शकले विर्सिएका छैनन् होला । तर, बिनालाई भने दर्शकले बिर्सिएका छन् ।

बिनाले ‘अग्नी परिक्षा, माया वैगुनी, अप्सरा, देउकी, सौगात’ लगायतका फिल्ममा अभिनय गरेकी छिन् ।