पूजाको प्रश्न कहिलेबाट सुदर्शनलाई ‘स्टूपिड’ लागेछ ?

निर्देशक सुदर्शन थापा र नायिका पूजा शर्माले एकसाथ ६ वटा फिल्ममा काम गरिसकेका छन् । ‘मधुमास’बाट सुरु भएको पूजा–सुदर्शनको सहकार्य ‘म यस्तो गीत गाउँछु २’मा आइपुगेको छ । ६ वटा फिल्म पूजालाई नै लिएर बनाएका सुदर्शनले सुभाष थापाको निर्माणमा बन्न लागेको फिल्म ‘प्रसाद २’ निर्देशन गर्दैछन् ।

यो फिल्ममा भने नायिका नम्रता श्रेष्ठको मुख्य भूमिका छ । फिल्मको घोषणा कार्यक्रममा पत्रकारले सुदर्शनलाई यो फिल्ममा पूजा हुने या नहुने भन्ने बिषयमा प्रश्न सोधेका थिए । कही कतै पूजाको यो फिल्ममा इन्ट्री हुन्छ या हुँदैन भनेर प्रश्न सोध्दा सुदर्शनले ‘स्टूपिड प्रश्न’ भनेर जवाफ दिए ।

पत्रकारको प्रश्न सोध्ने अधिकार हो । अझ, सुदर्शनको फिल्ममा पूजा नछुट्ने भएकाले पनि यो फिल्ममा हुने या नहुने भन्ने चासो आम दर्शकलाई छ । सोही प्रश्न सोध्दा सुदर्शनले जवाफ नदिन पनि सक्थे । तर, उनले प्रश्न नै ‘स्टूपिड’ भनिदिए ।
पूजाको बिषयमा सोधिएको प्रश्न कहिलेबाट सुदर्शनलाई ‘स्टूपिड’ लागेछ कुन्नी ।