अनुप बरालको ‘दोख’को ट्रेलर सार्वजनिक

निर्देशक अनुप बरालको निर्देशनमा तयार भएको फिल्म ‘दोख’ आउँदो साता अर्थात असार २४ गतेबाट रिलिज हुँदैछ । यो फिल्म रिलिज हुन एक साता बाँकी रहेको समयमा यसको ट्रेलर सार्वजनिक भएको छ ।

फिल्मले माओवादी जनुद्धको कथालाई उठाएको छ । साथमा, दुई गाउँ विचको सामुदायिक बनलाई लिएर भएको झगडा मिलाउन आयोजना गरिएको फुटबलको कथामा फिल्म बनेको छ ।

यो फिल्ममा दीया मास्क, मनिष निरौला, लोकमणि सापकोटा, राजा थापा काउछा, रोय दिभ, कमल देवकोटा, सुरज मल्ल, साजन थापा मगर लगायतको मुख्य भूमिका छ । फिल्ममा दीया विवाहित महिलाको भूमिकामा देखिएकी छिन् भने मनिष एक शिक्षकको भूमिकामा देखिएका छन् ।

निर्माण सुरु भएको ७ बर्षपछि यो फिल्म हलमा रिलिज हुन लागेको हो । फिल्मको ट्रेलरमा जनयुद्धको प्रभाव, २ गाउँको झगडा र फुटबलको कथालाई जोडिएको छ ।