‘कृष्णलीला’को गीतमा पुष्पको सपनामा श्रद्धा

फिल्म ‘कृष्णलीला’को नयाँ गीत ‘ए मेरो हजुर’ सार्वजनिक गरिएको छ । माइकल चन्दको निर्देशनमा तयार भएको यो गीतको भिडियोमा नायक पुष्प खड्का र नायिका श्रद्धा क्षेत्री फिचरिङ छन् । यो फिल्म भदौ ३ गतेबाट रिलिज हुँदैछ । फिल्मलाई दीपक वलीले निर्देशन गरेका हुन् । सार्वजनिक गीतमा रवि ओड र सुनिता गुरुङको स्वर, बाबुल गिरीको संगीत, डाक्टर डीआर उपाध्यायको शब्द छ ।

भिडियोलाई माइकल चन्दले निर्देशन गरेका हुन् । उत्सव दाहालको छायांकन रहेको भिडियोमा शिलन लम्सालको सम्पादन छ ।

फिल्ममा प्रकाशराज कार्की र केवल तामाङको लगानी छ । रत्न श्रेष्ठ कार्यकारी निर्माता रहेको फिल्ममा पिताम्बर आचार्य र रोजन श्रेष्ठ सह–निर्माताको रुपमा छन् । फिल्ममा वुद्दि तामाङ, रविन्द्र झा, आयुषा क्षेत्री, नविन रेग्मी, हिउवाला गौतम, आयुष गुरागाँईको अभिनय छ ।

फिल्ममा अर्जुन पोखरेलको संगीत, शिव ढकाल, बाबु श्रेष्ठको छायांकन, रामजी लामिछानेको कोरियोग्राफी छ । लक्ष्मण सुवेदीले लेखेको यो फिल्ममा दिमागी रुपमा कमजोर एक यूवा र करिअरमा ठूलो सपना बोकेकी एक यूवतीको प्रेमकथालाई प्रस्तुत गरिएको छ ।