सगरमाथा चढेपछि यस्तो भयो दीयाको अनुहार

नायिका दीया पुनले केही समय अगाडि मात्र सगरमाथाको सफल आरोहण गरिन् । सगरमाथाको सफल आरोहण गरेर फर्किएपछि दीयाले सामाजिक संजालमा एउटा फोटो पोष्ट गरेकी छिन् । जहाँ, उनको अनुहार हिउको चिसोले बिग्रिएको छ । फिल्म ‘अन्तिम संकार’को छायांकन अगाडि उनलाई आफ्नो अनुहार पुरानै अवस्थामा फर्काउनुपर्ने चुनौती छ ।

उनले लेखेकी छिन्–‘निन्द्रा, पानी, आँधी र घाममा खुलेपछि आँखा राता भएका छन् । छाला राता र सुख्खा भएका छन् । क्याम्प २ भन्दा माथि लागेपछि मैले आँखा र छालालाई जोगाउन भरपुर प्रयास गरेँ । मैले अन्तिम पटक कहिले नुहाएकी थिएँ, गन्नै विर्सिएँ । यी सबै कठिनाईको बाबजुत पनि तपाइले मेरो आँखामा हेर्नुहुन्छ, म हिमाल चढ्नुको आनन्द महशुश गर्नुहुन्छ ।’

दीयाले अभिनय गरेको फिल्म ‘मन्त्र’ वैशाखमा रिलिज भयो । फिल्मले गतिलो व्यापार गरेन । तर, दीयाले भने सगरमाथाको सफल आरोहण गरेकी छिन् । यसअघि नायिका नीशा अधिकारीले पनि सगरमाथाको सफल आरोहण गरेकी थिइन् ।