रामबाबुको नयाँ फिल्ममा विपिन

नायक विपिन कार्कीले नयाँ फिल्म साइन गरेका छन् । उनले, फिल्म ‘कबड्डी’का निर्देशक रामबाबु गुरुङको नयाँ फिल्म साइन गरेका छन् । विपिनले यो कुराको जानकारी सामाजिक संजालबाट दिएका छन् । फिल्मको शिर्षक भने तय भैसकेको छैन । यो फिल्मको छायांकन इलाममा हुनेछ । फिल्मको अडिसन केही समय अगाडि आह्वान गरिएको थियो ।

विपिनले ‘पशुपति प्रसाद २’ फिल्म नगर्ने निर्णय गरेसँगै यो फिल्म साइन गरेका हुन् । विपिन केही समयमै बलिउड फिल्म ‘एनिमल’को छायांकनका लागि मुम्बई जाँदैछन् । उनले, दीपेन्द्र के खनालको नयाँ फिल्म ‘के घर के डेरा’को छायांकन पनि गरिरहेका छन् ।