४२ दिनपछि ह्याकरको कब्जाबाट फर्कियो जितुको युट्युब च्यानल

केही हप्ता अगाडि म्यूजिक नेपालको युट्युब च्यानल ह्याक भएको थियो । वुढासुब्बा मुभिजको युट्युब च्यानल त बारम्बार ह्याक हुने गरेको छ ।

विशेषगरि, देशको नाम चलेका युट्युब च्यानलहरु बारम्बार ह्याकरको शिकार हुने गरेका छन् । यसैविच, चर्चित हाँस्य कलाकार जितु नेपालको ‘जितु कमेडी’ पनि ४२ दिनसम्म ह्याकरको कब्जामा थियो । ह्याकरले ४२ दिनसम्म ह्याक गर्दा तनावमा रहेका जितु च्यानल फर्किएकोमा खुशी छन् । उनले, अब यो च्यानलबाट नयाँ नयाँ रमाइला शोहरु प्रस्तुत गर्दै जाने पनि उल्लेख गरेका छन् ।

यसका लागि निक्कै मिहिनेत गर्नुपरेको जितुले उल्लेख गरेका छन् । जितुको यो च्यानलमा विशेषगरि ‘मुन्द्रेको कमेडी शो’ सार्वजनिक हुँदै आएको थियो ।