‘माइकल अधिकारी’को फस्टलुकमा पैसाको विचमा सौगात र श्रृष्टी

नायक सौगात मल्ल र नायिका श्रृष्टी श्रेष्ठको मुख्य भूमिका रहेको फिल्म ‘माइकल अधिकारी’को फस्टलुक सार्वजनिक गर्दै यसको प्रचार सुरुवात गरिएको छ । फिल्मको पोष्टरमा सौगात र श्रृष्टीको बिचमा बच्चा र पैसा देखिएको छ । यो फिल्म भदौको ३ गतेबाट रिलिज हुँदैछ ।

फिल्मले आर्थिक अवस्था कमजोर भएपछि पैसाका लागि भाडामा कोख बेच्ने एक महिलाको कथा भन्छ । रन्जित रौनियारको निर्देशनमा तयार भएको फिल्मले आत्मियता, भावनात्मक सम्बन्धसँगै कमेडीलाई पनि मिसाएको निर्माण टिमले बताएको छ ।

उद्धव पौडेलको प्रस्तुतिमा तयार भएको फिल्ममा सौगात र श्रृष्टीको साथमा अशान्त शर्मा, ऐनी कुँवर, हेमन्त वुढाथोकी, विद्या कार्की, सुजना ढकाल, दिलिप बोहरा लगायतको अभिनय छ । यो फिल्मको छायांकन इलाम र झापामा गरिएको हो ।