रिलिज भयो ‘घनचक्कर’, दोश्रो सातामा ‘चिसो मान्छे’

आजबाट नयाँ नेपाली फिल्म ‘घनचक्कर’ सार्वजनिक भएको छ । सौगात मल्ल, सलोन बस्नेत, जेवी डीसी, ममता प्रधान लगायतका कलाकारको अभिनय रहेको यो फिल्मले काठमाडौंमा संघर्ष गरिरहेका २ यूवाको कथा भन्छ । हरि भट्टको निर्माणमा तयार भएको फिल्मलाई जितेन्द्र राजोपाध्यायले निर्देशन गरेका हुन् ।

रिलिज अगाडि यो फिल्मको प्रिमियर बिहिबार काठमाडौंको बीग मुभिजमा गरिएको थियो । प्रिमियरमा फिल्मले औषत प्रतिक्रिया पाएको छ ।

यस्तै, आजबाट फिल्म ‘चिसो मान्छे’ दोश्रो सातामा प्रवेश गरेको छ । शर्मिला पाण्डे निर्मित यो फिल्मलाई दीपेन्द्र के खनालले निर्देशन गरेका हुन् । फिल्ममा स्वस्तिमा खड्का, अर्पण थापा र देशभक्त खनालको मुख्य भूमिका छ । यो फिल्मले पनि औषत व्यापार गरिरहेको छ ।