बरुण र कियाराको ‘जुग जुग जियो’लाई उत्कृष्ट समीक्षा

भोली शुक्रबारदेखि रिलिज हुन लागेको बलिउड फिल्म ‘जुग जुग जियो’ले समीक्षकबाट उत्कृष्ट प्रतिक्रिया पाएको छ । फिल्मको विशेष शो बुधबार मुम्बईमा आयोजना गरिएको थियो । विशेष शोमा फिल्म हेरेका समीक्षकले यसलाई उत्कृष्ट भनेका छन् ।

बलिउडका समीक्षकले फिल्मलाई ४ रेटिङ दिएका छन् । फिल्ममा अनिल कपुर, नितु कपुर, बरुण धवन र कियरा आडवाणीको मुख्य भूमिका छ ।

फिल्मको कमेडी, कथावस्तु, पटकथा, संवाद उत्कृष्ट रहेको समीक्षकको भनाई छ । राज मेहत्ताको निर्देशनमा यो फिल्म बनेको हो । समीक्षकको उत्कृष्ट प्रतिक्रिया सार्वजनिक भएपछि फिल्मको इनिसियल व्यापार पनि सुखद हुने अपेक्षा गर्न सकिन्छ ।

नायक कार्तिक आर्यनको फिल्म ‘भूलभूलैयाँ २’ले बक्स अफिसमा धमाल मच्चाएपछि अब अर्को बलिउड फिल्मले दर्शकको मन जित्ने संभावना देखिएको छ ।