‘र्याप ब्याटल शो’ ‘ब्याटल भूमी’को घोषणा

‘नेपहपको श्रीपेच’ नामक र्याप रियालिटी शो निर्माण गरेको टिमले नयाँ शो ‘ब्याटल भुमी’ पनि निर्माण गर्ने भएको छ । जुन २२ बाट जुलाई २ सम्म यो शोका लागि डिजिटल अडिसन दिन सकिने आयोजकले पत्रकार सम्मेलनको आयोजना गरेर जानकारी दिएको छ । सहभागीले डिजिटल अडिसनका लागि १ मिनेट भन्दा लामो भिडियो पठाउनुपर्ने निर्देशक निकेश खड्काले जानकारी दिए ।

सुदिप पोखरेल र रोशन श्रेष्ठ कार्यकारी निर्माता रहेको यो शोको जजमा मानस घले, कवि जी छन् । अर्का एक जना निर्णायकको नाम चाडै नै घोषणा गरिने बताइएको छ । कार्यक्रमलाई कोइन्च जीले संचालन गर्नेछन् । श्रावणबाट ओ.एस.आर डिजिटल र डी म्यूजिक टेलिभिजनबाट प्रशारण गरिने छ ।

विजेताले ५ लाख नगद पुरस्कार र विश्व भ्रमणको अवसर पाउनेछन् । निर्देशक खड्काले ‘नेपहप श्रीपेच’ भन्दा ‘ब्याटल भुमी’को कन्सेप्ट फरक रहेको बताए ।