के ‘चिसो मान्छे’लाई सकाउन मिडियाकर्मी हात धोएर लागेका हुन् ?

शुक्रबारदेखि रिलिज भएको फिल्म ‘चिसो मान्छे’ले औषत व्यापार गरिरहेको छ । फिल्म हेरेका दर्शक, समीक्षक र फिल्मीकर्मीले यो फिल्मको प्रशंसा पनि गरिरहेका छन् । तर, निर्देशक दीपेन्द्र के खनालले भने केही मिडियाकर्मीले फिल्मलाई सकाउनका लागि हात धोएरै लागेको आरोप लगाएका छन् ।

दीपेन्द्रले सामाजिक संजालमा लेखेका छन्–‘केही अनलाइन मिडियाहरु चिसो मान्छेलाई सक्काउँन हात धोएर पछि लागेका छन् । लेखेर मात्र नपुगेर डलरै खर्च गरि गरि बुस्टको सहारा लिनु परेको छ ।’ उनले आफू निर्देशित फिल्मलाई सकाउनका लागि मिडियाकर्मीहरुले नकारात्मक समाचार लेखेर त्यसलाई पैसा तिरेर प्रमोशन गरिरहेको आरोप लगाएका छन् ।

शर्मिला पाण्डेको निर्माणमा तयार भएको यो फिल्ममा स्वस्तिमा खड्का, अर्पण थापा, देशभक्त खनाल लगायतका कलाकारको अभिनय छ ।