‘मिस नेपाल २०२२’ विजेता प्रियंकालाई घरमा भव्य स्वागत

लाजिम्पाटको र्याडिसन होटलबाट पञ्चेबाजा सहित अनामनगरको पुख्र्यौली घर पुुग्दा यो बर्षकी मिस नेपाल प्रियंका राना जोशीलाई परिवारका सदस्यले भव्य स्वागत गरे । उनलाई पञ्चेबाजा बजाएरै स्वागत गरिएको थियो । वडा नम्बर २९ मा रहेको अनामनगरस्थित जन्म घरमा आइपुग्दा उनलाई वडाध्यक्षले खादा लगाएर स्वागत गरेका थिए ।

संचारकर्मीसँग छोटो कुरा गर्दै उनले आफूलाई मिस नेपाल बनाउन सहयोग गर्ने सबैलाई धन्यवाद दिइन् । उनले आगामी दिनमा आफूले मिस नेपालले गर्नुपर्ने कार्य कुशलतापूर्वक निर्वाह गर्ने बताइन् । उनले भनिन्–‘म हाम्रो देशलाई अन्तरराष्ट्रिय स्तरमा चिनाउन कुनै प्रयास बाँकी राख्ने छैन । अब, विश्व सुन्दरीको तयारी गर्नुछ । यसका लागि जुटेर लाग्छु र ताज नेपाल भित्राउन कोशिश गर्नेछु ।’

एनले, बर्षौदेखि बुनिरहेको सपना साकार हुँदा त्यसलाई व्यक्त गर्नका लागि आफूसँग कुनै शब्द नै नभएको बताएकी थिइन् । शनिबार आयोजना भएको ‘मिस नेपाल २०२२’मा २४ प्रतिस्पर्धीलाई पछि पार्दै उनले ताज लगाएकी थिइन् ।