‘सम्हालिन्छ कहिले मन’ गीतः सोनमसँग रोमान्टिक पूजा

निर्माण भएको करिब ४ बर्षपछि फिल्म ‘सम्हालिन्छ कहिले मन’ अब भने रिलिज हुने भएको छ । यो फिल्म भदौको १७ गतेबाट रिलिज हुन लागेको हो । यो फिल्ममा समावेश ‘जरुरी कुरा छ’ आज एक कार्यक्रमको आयोजना गर्दै सार्वजनिक गरियो । सुदर्शन थापा निर्देशित फिल्मको यो गीतमा अर्जुन पोखरेलको संगीत, सुरेश लामा र अन्जु पन्तको स्वर, सुरेश वाग्लेको शब्द छ ।

फिल्ममा नायिका पूजा शर्मा, नायक आकाश श्रेष्ठ, नव–कलाकार सोनाम तोप्देनको मुख्य भूमिका छ । फिल्मले त्रिकोणात्मक प्रेमकथा भन्ने निर्माणपक्षले बताएको छ ।

विभिन्न कारणले गर्दा समयमै रिलिज हुन नसकेको फिल्म अब भने रिलिज हुन लागेको भन्दै नायिका पूजा शर्माले खुशी व्यक्त गरिन् ।

फिल्म ‘सम्हालिन्छ कहिले मन’लाई एबी प्रोडक्शनले निर्माण गरेको हो । फिल्मको सार्वजनिक गीतमा कविराज गहतराजको कोरियोग्राफी, सौरभ लामाको छायांकन, अर्जुन जीसीको सम्पादन छ ।

बेलायत र दुबइमा खिचिएको फिल्मको यो गीतले दर्शकको मन जित्ने विश्वास गरिएको छ ।