बक्स अफिसमा पूजा र आँचलको भिडन्त पक्का

नायिका पूजा शर्मा र अर्की नायिका आँचल शर्मा एक अर्कासँग खुलेर बोल्दैनन् । उनीहरुविचको शितयुद्ध फिल्म क्षेत्रमा स्पष्ट रुपमा देखिन्छ । बक्स अफिसको कुरा गर्नुपर्दा आँचल भन्दा पूजा सफल छिन् । आँचलको क्रेज भिडियोमा ज्यादा देखिन्छ । पूजाले भने लगातार हिट फिल्म दिइरहेकी छिन् ।

तर अब यी दुई प्रतिस्पर्धीविच बक्स अफिसमा पनि भिडन्त पक्का भएको छ । आउँदा भदौको १७ गतेबाट यी दुइले अभिनय गरेको फिल्म एकसाथ रिलिज हुने भएको हो । पूजाले अभिनय गरेको ‘सम्हालिन्छ कहिले मन’ भदौ १७ मा रिलिज हुँदैछ । अब, यही मितिमा फिल्म ‘झिंगे दाउ’ पनि रिलिज हुने भएको छ । ज्ञानेन्द्र देउजा निर्देशित फिल्मको प्रदर्शन मिति आज तय गरिएको हो । पूजा अभिनित फिल्म ‘सम्हालिन्छ कहिले मन’को पनि आज गीत सार्वजनिक गर्दै प्रदर्शन मिति तय गरिएको हो ।

पूजा र आँचलको बक्स अफिस भिडन्तलाई रोचक रुपमा हेर्न सकिन्छ । आँचलका लागि यो फिल्म चल्न आवश्यक छ । पूजा पनि आफ्नो ब्यानर बाहिरको लभ स्टोरी फिल्म चलाएर स्टारडमलाई नयाँ उचाईमा पुर्याउन चाहन्छिन् ।