प्रदीपको ‘प्रकाश’सँग पूजाको फिल्म नजुध्ने

भदौको १० गते नेपाली फिल्म रिलिजको रस्साकस्सी छ । दिनेश राउतको निर्देशनमा बनेको फिल्म ‘प्रकाश’ र सुवर्ण थापाको निर्देशनमा बनेको फिल्म ‘राधा’ एकसाथ रिलिज हँुदैछन् । यो मितिमा फिल्म ‘सम्हालिन्छ कहिले मन’ पनि रिलिज हुने चर्चा थियो ।

तर, यसको निर्माणपक्षले अब एक साता ढिलो अर्थात भदौको १७ गते फिल्म रिलिज गर्ने भएको छ । भदौमा फिल्मको लाइन लामो छ । नायिका पूजा शर्मा, नायक आकाश श्रेष्ठ र नव–कलाकार सोनम तोप्देन यो फिल्मका मुख्य कलाकार हुन् । यो फिल्म निर्माण भएको पनि ३ बर्ष बढी भैसक्यो । तर, फिल्म रिलिज गर्न निर्माणपक्षले सकेको थिएन ।

फिल्मको पहिलो गीत असारको ३ गते अर्थात शुक्रबार रिलिज गर्ने कार्यक्रम छ । यही कार्यक्रमबाट निर्माणपक्षले औपचारिक रुपमा फिल्मको प्रदर्शन मिति पनि सार्वजनिक गर्नेछ । सुदर्शन थापाले फिल्मको निर्देशन गरेका हुन् ।