असोज १० मा दीपक–दीपाको फिल्म ?

असोज महिना नेपाली फिल्म क्षेत्रका लागि विशेष छ । दशैंको छेको पारेर नाम चलेका व्यानरले फिल्म रिलिजको घोषणा गर्छन् । असोजको ७ गते फिल्म ‘प्रेमगीत ३’ रिलिज हुने पक्का भैसकेको छ । यो फिल्म बर्षकै प्रतिक्षित फिल्ममा पर्छ ।

तर, यो फिल्म रिलिज भएको ३ दिनपछि दीपकराज गिरीको नयाँ फिल्म रिलिज हुने तयारी भएको वुझिएको छ । असोजको १० गते फिल्म रिलिज गर्नका लागि दीपक तयार देखिएका छन् । यसो भएको खण्डमा ‘प्रेमगीत ३’लाई पनि असोज १० मै सर्नुपर्ने वाध्यता आइलाग्नेछ ।

दीपकराज र उनको टिमले दशैंमा फिल्म ल्याउने तयारी पहिलेबाट नै गरेको थियो । तर, असोजमा सल्लाहा नै नगरी निर्माता तथा निर्देशक सन्तोष सेनले फिल्मको प्रदर्शन मिति सार्वजनिक गरेपछि दीपकराज गिरी उनीसँग असन्तुष्ट छन् ।
दशैंमा नै फिल्म ‘परदेशी २’ पनि रिलिज गर्ने तयारी गरिएको छ । यसैले, असोजको महिना नेपाली फिल्मका लगि उच्च भिडन्त हुने संभावना बढेको छ ।

दीपकराज गिरीले अहिलेसम्म फिल्मको नाम सार्वजनिक गरेका छैनन् । ‘छक्का पन्जा ४ वा माग्ने राजा’मध्ये एउटा नाम राख्ने बिषयमा छलफल भैरहेको दीपक बताउँछन् ।