अभिनेता सलमान खानलाई मार्ने प्रयास !

बलिउड अभिनेता सलमान खानलाई मार्ने प्रयास गरिएको छ ।

सलमानमाथि हत्या प्रयास भएको मुम्बई प्रहरीको अनुसन्धानले जनाएको हो। प्रहरीले संदिग्ध अपराधी लरेन्स बिश्नोईले सलमानलाई पनि मार्न मान्छे खटाएको तर पूर्व सूचना पाएर सलमान बाँच्न सफल भएको सूचना सार्वजनिक गरेको हो ।

सूचनाअनुसार बिश्नोईको आदेशमा साप सुटर हकीको लठ्ठीमा पेस्तोल लगाएर सलमान खानलाई मार्न भनेर सलमानको घर ग्यालेक्सी अघि बसेको थियो । तर अन्तिम समयमा आएर उसले आफ्नो निर्णय परिवर्तन गरेको थियो ।

साप सुटरले जुन दिन सलमानमाथि गोली प्रहार गर्ने योजना बनाएका थिए सोही दिन सलमान कुनै कार्यक्रममा जानु पर्ने भएकाले प्रहरी बिहानैदेखि सलमानको घर वरपर तैनाथ भएको देखेपछि साप सुटर आफ्नो योजना सफल नगरी फर्कन बाध्य भएको थियो ।

बिश्नोईले लामो समयदेखि सलमानको हत्याको योजना बनाइरहेको पनि अनुसन्धानबाट खुल्न आएको प्रहरीले जनाएको छ ।