युट्युबको कमेन्ट हेरेर शोभितले घोषणा गरे ‘डाँडाको वर पीपल २’

हलमा सुपरहिट भएको फिल्मको सिक्वेल वा सिरिज गर्न निर्माता उत्साहित हुन्छन् । तर, हलमा सुपर फ्लप भएको फिल्मको पनि सिक्वेल वा सिरिज घोषणा हुन थाल्यो भने के होला ? ‘लप्पन छप्पन’ टिमले ‘लप्पन छप्पन २’ बनाएको उदाहरण त सबैसामु छर्लङ्गै छ । अब, निर्देशक शोभित बस्नेतले पनि आफ्नो पत्तासाफ भएको फिल्म ‘डाँडाको वर पीपल’को सिरिज घोषणा गरेका छन् ।

गतबर्षको दशैंमा रिलिज भएर पत्तासाफ भएको यो फिल्मको सिरिज बनाउने शोभितको भनाई छ । विशेषगरि, फिल्म युट्युबमा सार्वजनिक भएपछि दर्शकले मन पराएका छन् । युट्युबमा दर्शकको प्रतिक्रिया पनि उत्कृष्ट छ । सोही प्रतिक्रिया हेरेर शोभितले यसको सिरिज बनाउने तयारी थालेका हुन् ।

फिल्मको नाम ‘डाँडाको वर पीपल २’ राखिएको छ । फिल्मको छायांकन केही सातामै सुरु गर्ने उनको तयारी छ ।