माइकल चन्दको निर्देशनमा ‘जी बब’को ‘फाइनल्ली भेटियो’

यूवापूस्ताका चर्चित र्यापर जी बबको नयाँ गीत ‘फाइनल्ली भेटियो’ बुधबार बेलुकी ठमेलको टेन एक्स क्लबमा सार्वजनिक गरिएको छ । जी बबले नै तयार पारेको यो गीतको भिडियोलाई माइकल चन्दले निर्देशन गरेका हुन् । भिडियोलाई निर्देशक चन्दले एक्सन शैलीमा पनि उतारेका छन् । भिडियोमा नायिका सारा सिर्पाली र मोडल डेलविसले अभिनय गरेका छन् ।

अपहरणमा परेका जी बबलाई सारा र डेलविसले अपराधीको पञ्चाबाट निकालेको भिडियोमा देखाइएको छ । ट्रि इन्टरटेन्मेन्टले निर्माण गरेको यो भिडियोमा राजु किराँतको एक्सन, माइकल स्टेप अप एण्ड आर्टस् एकेडेमीको कोरियोग्राफी, शिलन लम्सालको सम्पादन, नवराज उप्रेतीको छायांकन छ ।

भिडियोलाई सार्वजनिक भएसँगै दर्शकले रुचाएका छन् ।