के भदौ १० मा रिलिज हुन लागेको हो ‘सम्हालिन्छ कहिले मन’ ?

भदौ १० गते नेपाली फिल्म निर्माताहरुको केन्द्रमा परेको छ । यो मितिमा आशा गरिएका फिल्महरु एकसाथ रिलिज हुँदैछन् । यो मितिमा ‘प्रकाश र राधा’ रिलिज हुने पक्का भैसकेको छ । अब, यही मितिमा सुदर्शन थापा निर्देशित फिल्म ‘सम्हालिन्छ कहिले मन’ पनि रिलिज हुन लागेको चर्चा छ ।

पूजा शर्मा, आकाश श्रेष्ठ र सोनम तोप्देनको मुख्य भूमिका रहेको फिल्मको प्रदर्शन मिति कोरोनाका कारण बारम्बार सरेको थियो । अब, भने निर्माणपक्षले ३ दिनपछि गीत रिलिज गर्दै प्रदर्शन मिति पनि सार्वजनिक गर्न लागेको हो ।

लभ स्टोरी जनराको यो फिल्मको छायांकन बेलायतमा गरिएको थियो । ए.बी प्रोडक्शनको ब्यानरमा निर्माण भएको यो फिल्मको गीतसंगीत र कथावस्तु दर्शकको प्रतिक्षामा छ ।

तर, यही मितिमा नायक प्रदिप खड्का अभिनित फिल्म ‘प्रकाश’ पनि रिलिज हुँदैछ । यदि, ‘सम्हालिन्छ कहिले मन’ पनि भदौ १० मा रिलिज भएको खण्डमा प्रदिप र पूजाको बक्स अफिसमा दोश्रो पटक टकराव हुनेछ । यसअघि उनीहरुको ‘रोज र रामकहानी’मा भिडन्त भएको थियो ।