‘चिसो मान्छे’लाई सेन्सरमा उत्कृष्ट प्रतिक्रिया

असारको ३ गतेबाट रिलिज हुन लागेको फिल्म ‘चिसो मान्छे’को सेन्सर पास भएको छ । फिल्म रिलिज भन्दा करिब १० दिन अगाडि निर्माणपक्षले यसको सेन्सर पास गरेको हो । फिल्मलाई सेन्सर बोर्डले यूनिभर्सल सर्टिफिकेट दिएको छ ।

यो फिल्मलाई अब हरेक उमेरका दर्शकले हेर्न पाउनेछन् । फिल्म हेरेपछि सेन्सर बोर्डका कर्मचारीहरुले उत्कृष्ट प्रतिक्रिया दिएको निर्मात्री शर्मिला पाण्डेले जानकारी दिइन् । सेन्सरका कर्मचारीहरुले अर्को बर्ष राष्ट्रिय अवार्ड जित्ने फिल्म भन्दै प्रशंसा गरेको उनको भनाई छ ।

शर्मिला पाण्डेको निर्माणमा तयार भएको फिल्मलाई दीपेन्द्र के खनालले निर्देशन गरेका हुन् । फिल्ममा स्वस्तिमा खड्का, अर्पण थापा, देशभक्त खनाल लगायतका कलाकारको अभिनय छ । फिल्मको ट्रेलरले दर्शकमा राम्रो छाप पारेको छ ।