श्रृष्टीको ‘राधा’ भदौ १० मा रिलिज हुने

फिल्म ‘द सेक्रेट अफ राधा’को फस्टलुक र प्रदर्शन मिति सार्वजनिक गरिएको छ । फिल्मको फस्टलुकमा नायिका श्रृष्टी श्रेष्ठ एक बच्चालाई बोकिरहेकी छिन् । फिल्मले उनकै कथा बोलेको वुझ्न सकिन्छ । यो फिल्मलाई भदौको १० गतेबाट रिलिज गर्ने तयारी निर्माणपक्षले गरेको छ । सुवर्ण थापाको निर्देशनमा तयार भएको यो फिल्म महिलाको कथामा केन्द्रित छ ।

फिल्ममा श्रृष्टी श्रेष्ठ, खगेन्द्र लामिछाने, मेनुका प्रधान, दिव्यदेव पन्त, वुद्दि तामाङ, निश्चल बस्नेत, दयाहाङ राई लगायतका कलाकारको अभिनय छ । फिल्म ‘सुनगाभा’ बनाएर चर्चामा आएका सुवर्णको यो फिल्मले पनि दर्शकको मन जित्ने विश्वास गरिएको छ ।

यही मितिमा नायक प्रदिप खड्का अभिनित फिल्म ‘प्रकाश’ पनि रिलिज हुँदैछ ।