‘एनीमल’मा खलपात्र विपिन, अनिल कपुरसँग पर्दा शेयर

नेपाली फिल्म क्षेत्रका सफल नायक विपिन कार्कीले बलिउड फिल्म ‘एनिमल’मा काम गर्दैछन् । यो फिल्ममा बलिउडका सफल नायकहरु रणवीर कपुर, अनिल कपुरको साथमा नायिका रश्मीका मन्दन्नाको मुख्य भूमिका रहनेछ । फिल्ममा विपिन खलपात्रको भूमिकामा देखिन लागेको वुझिएको छ । फिल्ममा उनले अर्का खलपात्र अनिल कपुरसँग धेरै पर्दा शेयर गर्नेछन् ।

यो फिल्ममा सन् १८७० को चर्चित भारतीय पहलमानको भाइको भूमिकामा विपिन देखिन लागेका हुन् । फिल्ममा आफू चाडै हाँस्ने र चाडै रुने पात्रको भूमिकामा देखिने उनको भनाई छ ।

यो फिल्मको धमाधम दोश्रो चरणको छायांकन भैरहेको छ । फिल्मको तेश्रो चरणको छायांकनमा विपिन सहभागी हुनेछ । सन्दीप रेड्डीको निर्देशनमा तयार हुने फिल्मका लागि आफू उत्साहित रहेको विपिनको भनाई छ ।

फिल्म ‘के घर के डेरा’को छायांकन सकिने वित्तिकै विपिन मुम्बई जानेछन् । विपिनका अनुसार, उनको ५ दिनको छायांकन सेड्यूल मुम्बइमा राखिएको छ ।