दीपकलाई प्रश्न–‘छक्का पन्जा ४ र माग्ने राजामा कुन पहिला हो’ ?

फिल्म ‘छ माया छपक्कै’ निर्माण गरेको साढे २ बर्षपछि दीपकराज गिरी र उनको टिम नयाँ फिल्मको तयारीमा छ । तर, अहिलेसम्म कुन फिल्मको छायांकन सुरु गर्ने भन्ने बिषयमा उनीहरु नै पक्का भएका छैनन् । दीपकराजले ‘छक्का पन्जा ४’ बनाउने चर्चा चलेको पनि लामै समय भैसकेको छ । फिल्मको टिजर बनाएर हलमा सार्वजनिक गरेको पनि केही महिना भयो । दीपकराज यो फिल्मको स्क्रिप्ट लेखनमा नै व्यस्त देखिएका छन् ।

तर, यही बिचमा दीपकराज गिरीको टिमले हेमराज वीसीसँग मिलेर फिल्म ‘माग्ने राजा’ बनाउन लागेको खबर बाहिरिएको छ । यो फिल्मको पनि स्क्रिप्टलाई फाइनल टच दिने काम अगाडि बढेको छ । दीपकले भने दुई मध्ये पहिला कुन फिल्मको छायांकन सुरु गर्ने भन्ने बिषयमा पक्का नभैसकेको बताए । तर, असारको पहिलो साताबाट फिल्मको छायांकन भने सुरु गर्ने उनको तर्क छ ।

दीपकका अनुसार, माग्ने राजालाई हेमराजले निर्देशन गर्ने कुरा पक्का भएको हो । अरु, कुनै पनि कुरा पक्का भएको छैन ।