आकाश श्रेष्ठको लाइनअपमा कस्ता फिल्म ?

नायक आकाश श्रेष्ठ म्युजिक भिडियोमा व्यस्त छन् । उनले, अभिनय गरेका म्युजिक भिडियोले गतिलो भ्यूज नपाएपनि उनको व्यस्तता भने घटेको छैन । उनै, आकाश श्रेष्ठले फिल्ममा पनि काम गरिरहेका छन् । तर, उनको फिल्मको लाइनअप कस्तो छ, यसको चर्चा गरौ ?

आकाशले ३ बर्ष अगाडि काम गरेको फिल्म ‘सम्हालिन्छ कहिले मन’ रिलिजको लागि तयार छ । सुदर्शन थापाको निर्देशनमा तयार भएको यो फिल्ममा आकाशलाई पूजा शर्मा, सोनम तोप्देनले साथ दिएका छन् । यो फिल्मको बक्स अफिस व्यापारले आकाशलाई ठूलो फाइदा हुने देखिदैन ।

आकाशले पहिलो चरणको लकडाउन लगतै काम गरेको फिल्म ‘हिड्दा हिड्दै’को काम रोकिएको छ । फिल्मको छायांकन नै पूर्ण नभएकाले यो फिल्म कहिले बन्छ र रिलिज हुन्छ पत्तो छैन ।

उनै, आकाशले सरोज खनालको निर्देशनमा बनेको फिल्म ‘बगान’मा पनि काम गरेका छन् । तर, फिल्ममा उनी मुख्य भूमिकामा होइनन् । फिल्म भित्र उनको एउटा गीत र एक सिन छ । फिल्ममा पनि उनी नायककै भूमिकामा छन् ।

यसरीहेर्दा, आकाशले बलियो फिल्म पाउन सकेका छैनन् । म्युजिक भिडियोमा चलिरहेका यी हिरोलाई निर्माताहरुले विश्वास गरिहाल्न नसकेको देखिन्छ ।