सलमान र सलिमलाई ज्यान मार्ने धम्की, बढाइयो सुरक्षा

बलिउड नायक सलमान खान र उनका पिता सलिम खानलाई ज्यान मार्ने धम्की दिइएको छ । ज्यान मार्ने धम्की आएसँगै मुम्बई प्रहरीले उनीहरुको सुरक्षा बढाएको छ ।

भारतीय मिडियाका अनुसार, आइतबार बिहान मर्निङ वाक गर्दै सलिम खान बान्द्राको ब्यान्डस्ट्यान्डमा पुगेका थिए । सोही समयमा एक व्यक्ति आएर उनलाई चिठ्ठी दिएका थिए । चिठ्ठीमा सलमान र उनको ज्यान मार्ने धम्की लेखिएको थियो ।

मुम्बई प्रहरीले यो बिषयमा एफआइआर दर्ता गरेर छानबिन प्रक्रिया अगाडि बढाएको छ । पञ्जाबी गायक सिद्धु मुसवालाको हत्यापछि बलिउडका कलाकारहरुलाई पनि ज्यान मार्ने धम्की आउन थालेको छ । सलमान र सलिम खानलाई ज्यान मार्ने धम्की कसले र किन दियो भन्ने खुलेको छैन ।