जेठ ६ मा रिलिज नभएको ‘संझना विर्सना’ असार ३१ मा रिलिज हुने

असारको ३१ गते नयाँ नेपाली फिल्म ‘संझना विर्सना’ रिलिज हुने भएको छ । नायिका पूजा शर्मा, नायक आकाश श्रेष्ठ, कलाकार छुल्ठिम गुरुङ लगायतको मुख्य भूमिका रहेको यो फिल्म यसअघि जेठ ६ बाट पोष्टपोन्ड भएको थियो ।

स्थानीय निर्वाचनका कारण प्रचार नपुगेको भन्दै पोष्टपोन्ड गरिएको फिल्मलाई असारको ३१ गते रिलिज गर्न निर्माणपक्ष तयार देखिएको छ । फिल्म ‘पोई पर्यो काले’पछि आकाश र पूजाको एकसाथ फिल्म रिलिज हुन लागेको हो ।

सिक्किम, दार्जिलिङ लगायतका स्थानमा खिचिएको यो फिल्मको गीत र ट्रेलर सार्वजनिक भैसकेको छ । निमेष प्रधानको पटकथा, कथा र निर्देशनमा तयार भएको यो फिल्मलाई रेविका प्रधान र अद्धुत्य प्रधानको निर्माण छ ।