पञ्जाबी गायक सिद्धुको हत्यारा लुकेको आशंकमा नेपालमा भारतीय प्रहरी

भारतका चर्चित गायक सिद्दु मूसवालाको हत्यामा संलग्न भएको आशंकामा हत्यारा खोज्दै दिल्ली प्रहरी नेपाल आइपुगेको छ । बन्दुकधारी सिद्धुको हत्या गरेर नेपाल आएको खबर पाएपछि दिल्ली प्रहरीले आफ्ना विशेष फोर्स नेपाल पठाएको भारतीय मिडियाले उल्लेख गरेका छन् ।

भारतीय अनलाइन इन्डिया टूडेका अनुसार, पञ्जाको मनसा जिल्लामा गायक मूसवालाको हत्या गरेर बन्दुधकारी नेपाल भागेको सूचना प्रहरीले पाएको छ । यही आधारमा खोजी गर्न शुक्रबार प्रहरीको एक टोली नेपाल आएको हो ।

यस्तै, प्रहरीले सिद्धुको हत्याको आशंकामा २ जना व्यक्तिलाई हिरासतमा लिएको छ । उनीहरुले, सिद्धुको हत्यामा संलग्न भएका व्यक्तिहरुलाई गाडी उपलब्ध गराएको आरोप प्रहरीले लगाएको छ ।

गायक मूस वालाको हत्यामा अन्तर गिरोहको संलग्नता रहेको प्रहरीको आशंका छ । प्रहरीले ग्याङस्टार लोरेन्स विश्नोइलाई हिरासतमा लिएकोछ । उनले, प्रहरीसँगको बयानमा क्यानडास्थित गोल्डी बराडसहित उनको समुहले गायकको हत्याको योजना बनाएको थियो ।