‘आँधी तुफान २’को शिर्ष गीतमा बोल्ड ३ नायिका

श्रावणको २० गतेबाट रिलिज हुन लागेको फिल्म ‘आँधी तुफान २’को शिर्ष गीत सार्वजनिक भएको छ । सुवानी मोक्तानको स्वर, सुरेश अधिकारीको संगीत र हरि उप्रेतीको शब्द रहेको गीतले फिल्मको कथा भन्छ ।

अवी वाग्लेको कोरियोग्राफीमा तयार भएको गीतको भिडियोलाई भारतको गोवामा खिचिएको छ । भिडियोमा ३ कलाकारहरु बोल्ड अवतारमा देखिएका छन् ।

आरती आचार्य, यांशु श्रेष्ठ र सोनी बिसीलाई गीतमा बोल्ड अवतारमा देखाइएको छ । मदन घिमिरेको निर्देशनमा तयार भएको चलचित्रले नारी शक्तिको कथा भन्छ । मौनता श्रेष्ठको लेखनमा तयार भएको फिल्मलाई ओम साई भक्त मुभि प्रालिको ब्यानरमा निर्माण गरिएको हो । फिल्ममा रवि गिरी, पुस्कर राउत, सन्जित भण्डारी, सोनी बिसी, आरती आचार्य, यांशु श्रेष्ठ, विन्दिया ठकुरी, रुपा केसी लगायतका कलाकारको अभिनय छ ।

फिल्ममा मौनता श्रेष्ठको कथा, पटकथा तथा संवाद, रामशरण उप्रेतीको छायांकन, कमल राई र अभि वाग्लेको कोरियोग्राफी, सुरेश अधिकारी र विक्रम थापाको संगीत, हरि उप्रेती र दीपेन्द्र खड्काको गीत रचना, प्रेम चुल्ठेको एक्सन, मन्दिल श्रेष्ठको सम्पादन छ ।