बलियो कमब्याकका लागि सविनले रोजे सविर

सविर श्रेष्ठ नायक सविन श्रेष्ठका मनपर्ने निर्देशन हुन् । सविरसँग सविनले केही फिल्ममा काम गरेका छन्, जुन हिट पनि भएका छन् । तर, केही बर्षयता सविन र सविर दुबैको क्रेज नेपाली फिल्म क्षेत्रमा खासै छैन ।

तर, अब सविन फिल्म क्षेत्रमा बलियो कमब्याकको तयारीमा छन् । हुनत, उनले केही बर्ष अगाडि काम गरेका फिल्महरु बेलाबखत हलमा झुल्किन्छन् । ती फिल्महरु आएको र गएको नै दर्शकले थाहा पाउँदैनन् । तर, सविन भने अब बलियो कमब्याक गर्ने सोचमा छन् । यसका लागि उनले आफ्ना प्रिय निर्देशक सविर श्रेष्ठलाई नै रोजेका छन् ।

सविन र सविर मिलेर कमेडी र एक्सन जनराको नयाँ फिल्म बनाउँदैछन् । यो फिल्मको लागि अहिले धमाधम प्रि प्रोडक्शनको काम चलिरहेको छ ।

सविनका अनुसार, फिल्ममा २ नायक र एक नायिका हुनेछन् । एक नायक र एक नायिका केही दिनमा नै घोषणा गर्ने तयारी गरिएको छ । फिल्मको नाम पनि निर्माणपक्षले केही दिनमा नै फाइनल गर्नेछ ।