‘लोरी’का निर्देशकलाई प्रियंकाले दिइन् वधाई

नयिका प्रियंका चोपडाले कान्स फिल्म फेस्टिभलमा अवार्ड जितेको नेपाली फिल्म ‘लोरी’का निर्देशकलाई बधाई दिएकी छिन् । सामाजिक संजाल इन्स्टाग्राममा स्टोरी शेयर गर्दै उनले एसियाली बर्चस्वमाथि खुशी व्यक्त गरेकी हुन् ।

नेपाली निर्देशक अविनाशविक्रम शाहसहितको तस्वीर शेयर गर्दै नायिका चोपडाले सम्पूर्ण एसियाली फिल्ममेकरलाई बधाई दिएकी हुन् । प्रियंकाले लेखेकी छिन्–‘कान्स २०२२ का सबै विजेतालाई बधाई दिन चाहन्छु । विशेषगरि, एसियाका प्रतिभाशाली विजेताको जितलाई लिएर मनैदेखि बधाई दिन चाहन्छु ।’

नायिका चोपडा बलिउड फिल्ममा व्यस्त हुँदा विश्वकै प्रसिद्ध महोत्सवमा पुग्ने गर्थिन् । तर, हलिउड जीवन सुरु गरेपछि उनको उपस्थिती पातलो देखिएको छ । कान्स फिल्म फेस्टिभलमा नेपाली फिल्म ‘लोरी’ले स्पेशल मेन्सन अवार्ड प्राप्त गरेको थियो ।