फिल्म हिट भएको महशुश गर्न नपाउँदै विवादमा मिरुना

संभवत, नायिका मिरुना मगरले पहिलो पटक यस्तो विवाद भोगिन् । हुनत, यस्ता खालका विवाद नेपाली फिल्म क्षेत्रमा निक्कै कम भएको पाइन्छ । तर, आजसम्म विवादमा नै नआएकी, सोझी नायिका मिरुना मगरले फिल्म हिट भएको महशुश पनि राम्रोसँग गर्न पाइनन् ।

फिल्मले बम्पर कमाई गरेपछि खुशी मनाउन उनी हल–हलमा पुगिरहेकी थिइन् । तर, आइतबार भने उनले नसोचेको घटना हुन पुग्यो ।

फुर्वा लामा नाम गरेका एक यूवकले पछाडिबाट बाम्बार आफूलाई छोएको भन्दै मिरुना आक्रोशित हुन पुगिन् । सार्वजनिक स्थलमा मिरुनाले फुर्वामाथि थप्पड नै लगाइन् । आइन्दा यस्तो काम नगर्न चेतावनी पनि दिइन् । तर, मिरुनाको आक्रोश थामिएन । उनले, मौखिक उजुरी दिएर लामालाई प्रहरीको हिरासतसम्म पुर्याइन् ।

यही घटनाले मिरुना तनावमा थिइन् । तर, मंगलबार बिहानैबाट काठमाडौंका विभिन्न हल अगाडि मिरुनाविरुद्ध प्रदर्शन सुरु भयो । उनलाई बहिष्कार गर्नुपर्ने माग समेत उठ्यो ।

भलै, मिरुनाले आरोप लगाएर हिरासतमा रहेका फुर्वा लामा रिहा भैसकेका छन् । तर, पहिलो फिल्म हिट भएर खुशी हुन नपाउँदै मिरुना विवादमा फसिन् ।

यो घटनाले मिरुनाको करिअरलाई कती असर गर्छ त्यो भोलीको कुरा हो । तर, बारम्बार नेपाली फिल्म क्षेत्रका कलाकार कुनै न कुनै विवाद र अभद्र व्यवहारको शिकार भैरहेका छन् ।

नायिका मिरुना मगरमाथि अभद्र व्यवहार भएको थियो या थिएन, त्यो पछि पुष्टी होला । तर, फिल्मले बम्पर कमाई गरेको खुशी मिरुनाले राम्रोसँग साट्न पाएकी छैनन् । अघिल्ला ३ फिल्म फ्लप भएपछि उनको करिअरमा पहिलो हिट फिल्म ‘कबड्डी ४’ बनेको छ ।

अभिनेत्री मिरुना मगरमाथि दुर्व्यवहार गरेको आरोपमा पक्राउ परेका लामा रिहा